Sora mia
versi
di Rocco Galdieri
musica di Ernesto De Curtis (1910)
Sora mia,
nzerra 'sta porta,
mena ‘a chiave e ‘o catenaccio.
E a chi spia: “S’è ritirato?”
Tu rispunne: “Nun ‘o saccio!”
Ma si vene ‘na figliola
pe’ sapè si songo asciuto,
n’arapì… Ma, sottovoce,
dille: “Fràteme è partuto…
S’è ‘mbarcato cu nu legno
Mercantile, bella Ne’…
Se n’è gghiuto fore regno
pe’ nun sèntere cchiù a te!”
Sora mia, sento nu passo
ca s’accosta chianu chianu.
‘ Nfaccia ‘e lastre d’’o telaro
veco stennerse ‘na mano…
Sora mia, si mme vuò bbene…
Dille: “ ‘E fatto troppo tarde…
Se so’ sciuòvete ‘e ccatene!…
S’è ‘mbarcato cu nu legno
Mercantile, bella Ne’…
Se n’è gghiuto fore regno
pe’ nun sèntere cchiù a te!”
Ma tu chiagne? E pecchè chiagne?
Pecchè a me… mme tremm’’a voce?
Sora mia, fatte curaggio,
ca pe’ mme stu chianto è ddoce!
No, i’ nu’ parto, pecchè saccio
che vò di’ ll’ammore ‘e sora.
Ma tu ‘o ddice sulo a chella…
si venesse… ch’io sto ffora!
S’è ‘mbarcato cu nu legno
Mercantile, bella Ne’…
Se n’è gghiuto fore regno
pe’ nun sèntere cchiù a te!”