Lu cardillo
Versi di ignoto
Musica attribuita a Pietro Labriola
Sto crescenno no bello cardillo
quanta cose che l'aggia 'mpara!
Adda ire da chisto e da chillo
lli mmasciate po' m'hadda purtà.
Siente ccà, bello mio, lloco nnante
'nc'è na casa, na nenna 'nce sta
tu la vide ca non è distante
chella nennà aje da ire a truvà!
Si la truove ca stace dormenno
pe na fata guè non la piglià!
No rommore non fa co li penne
guè, cardì, tu l'avviss'a scetà?
Si affacciata po' sta allu barcone
Pe na' rosa l'avissa piglià!
Guè, cardì, vi ca llà non te stuone
va vattenne cardì… n'addurà!
Si la truove che face l'ammore
sto cortiello annascunnete ccà:
'nficcancillo deritto, a lo core
e lo sango tu m'hai da purtà!
Ma si pensa… vatté chiano chiano
Zitto, zitto te nce aje d'azzeccà,
si afferrà pò te vo cò la mano
priesto mpietto ti l'aje da zompà.
Si te vasa o t'afferra cianciosa,
tanno tu lìaje da dire accussì:
lu patrone pe te non reposa,
poveriello pecchè adda murì.
T'accarezza, te vasa! Ah… viato
chiù de me tu si certo, cardì!
Si co tico cagnare m'è dato
doppo voglio davero murì.