Versi di Alfredo Falcone-Fieni
Musica di Rodolfo Falvo (1904)
St'uocchie che ttiene belle
lucente, cchiù d''e stelle,
sò nnire, cchiù d''o nnire,
sò comme a duie su spire.
Ogne suspire coce;
ma tene 'o ffuoco doce
e, comme trase 'mpietto,
nun me dà cchiù arricietto.
E chi ve po' scurdà,
uocchie c'arraggiunate
senza parlà, senza parlà?
A me guardate, sì.
e stateve nu poco,
comme dico j!…
Comme dico j!…
Comme voglio j!…
'O nnire cchiù sblennente
'e ll'ebano lucente
comm'a na seta fina,
sò ll'uocchie 'e Cuncettina.
Sempe ch''e ttengo mente
nce trovo sentimente,
pecchè nce sta nu vezzo:
c''o sguardo ll'accarezzo.
E chi ve po' scurdà,
uocchie c'arraggiunate
senza parlà, senza parlà?
A me guardate, sì.
e stateve nu poco,
comme dico j!…
Comme dico j!…
Comme voglio j!…
Uocchie c'arraggiunate (Roberto Murolo)
Note