Torna a Surriento

Versi di Giambattista De Curtis
Musica di Ernesto De Curtis (1904)

Vide 'o mare quant'è bello!
Spira tantu sentimento.
Comme tu a chi tiene a mente
Ca scetato 'o faie sunnà.

Guarda, guà chistu ciardino;
Siente, sie' sti sciure arance
Nu prufumu accussì fino
Dinto 'o core se ne va...

E tu dice..."I' parto, addio!"
T'alluntane da stu core...
Da la terra de l'ammore...
Tiene 'o core 'e nun turnà.

Ma nun me lassà.
Nun darme stu turmiento!
Torna a Surriento,
Famme campà!

Vide 'o mare de Surriento,
Che tesoro tene nfunno:
Chi ha girato tutto 'o munno
Nun l'ha visto comm'a ccà.

Guarda attuorno sti Sserene,
Ca te guardano 'ncantate
E te vonno tantu bene...
Te vulessero vasà.

E tu dice:"I' parto, addio!"
T'alluntane da stu core...
Da la terra de l'ammore...
Tiene 'o core 'e nun turnà?

Ma nun me lassà.
Nun darme stu turmiento!
Torna a Surriento,
Famme campà!

 

Torna a Surriento (Roberto Murolo)

Note