Suspiranno
versi di Ernesto Murolo
musica di Evemero Nardella (1909)
Na fenestella ‘e foglie rampicante,
na puntigliosa cu nu musso astrinto,
e nu suspiro mio c’’a vasa nfronte,
ll’arape ‘a vocca e nce se mpizza dinto!
Na fenestella ‘e foglie rampicante.
Suspiro mio
vieneme a dì che ffà
penza ‘e fa pace
o penz’’e me lassà?
T’aspetto affianco ‘e rrose addò sai tu
e addò diceva: “I’ nun te lasso cchiù
I’ nun te lasso cchiù!”
E tecchete ‘e rimpetto ‘a luna sponta
dicenno: buonasera a tutte quante…
jate all’appuntamento ch’i’ so pronta
femmene belle e giuvinotte amante
e tecchete ‘e rimpetto ‘a luna sponta.
Suspiro mio
vieneme a dì che ffà
penza ‘e fa pace
o penz’’e me lassà?
Na fenestella ‘e foglie rampicante,
na lacrima caduta ‘e pentimento
e na vucchella e doi manelle pronte
ca tornano a cchiammà l’antico amante…
Na fenestella ‘e foglie rampicante.
Torna ‘o suspiro
e dice: vien’’a ccà,
ca vo fa pace
e nun te vo’ lassà.
Chello ch’a ditto affianco ‘e rrose the,
è overo, è overo e mmore senza te,
e mmore senza te!