Versi di Aniello Califano
Musica di Enrico Cannio (1915)
Staje luntana da stu core
e a te volo cu' 'o penziero:
niente voglio e niente spero
ca tenerte sempe affianco a me!
Si' sicura 'e chist'ammore
comm' i' so' sicuro 'e te…
Oje vita, oje vita mia,
oje core 'e chistu core,
si' stata 'o primm'ammore:
'o primmo e ll'ultimo sarraje pe' me!
Quanta notte nun te veco,
nun te sento int'a sti braccia,
nun te vaso chesta faccia,
nun t'astrengo forte mbraccia a me?
Ma, scetànnome 'a sti suonane,
mme faje chiagnere pe' te…
Oje vita, oje vita mia,
oje core 'e chistu core,
si' stata 'o primm'ammore:
'o primmo e ll'ultimo sarraje pe' me!
Scrive sempe 'e sta' contenta,
io nun penzo che a te sola,
nu penziero mme cunzola
ca tu pienze sulamente a me…
'A cchiù bella 'e tutt' 'e bbelle
nun è maje cchiù bella 'e te!
Oje vita, oje vita mia,
oje core 'e chistu core,
si' stata 'o primm'ammore:
'o primmo e ll'ultimo sarraje pe' me!