Versi e musica di E.A. Mario (1920)
Partono 'e bastimente
pe' terre assaje luntane...
Càntano a buordo: sò napulitane!
Cantano pe' tramente
o' golfo già scumpare,
e 'a luna 'a miezzo 'o mare,
nu poco 'e Napule
lle fa vedè...
Santa Lucia
luntano 'a te
quanta malincunia!
Se gira 'o munno sano,
se va cercà furtuna...
ma, quanno sponta a luna,
luntano 'a Napule
nun se pò sta'!
Santa Lucia, tu tiene
suolo nu poco 'e mare...
ma chiù luntana staje, chiù bella pare...
E' 'o canto d''e Ssirene
ca tesse ancora 'e rrezze!
Core nnn vò ricchezze:
si è nato a Napule, ce vò murì!
Santa Lucia
luntano 'a te
quanta malincunia!
Se gira 'o munno sano,
se va cercà furtuna...
ma, quanno sponta a luna,
luntano 'a Napule
nun se pò sta'!
