Raziella

Di ignoti

A core a core cu Raziella mia
stava ssettato a chillo pizzo llà:
lu patre asceva, e schitto ne' era a Zia,
ma zitto zitto se potea parlà!
La zia filava e poco ce sentiva,
ca pe lu suonno la capa le pennea;
io la manella de Nenna mia pigliava,
che non voleva, ma se facea vasà.

Essa cantava co chella bella voce,
lu mandolino io me mettea a sonà.
Essa dicea cantando doce doce:
Aniello mio, io sempe t'aggio amà.
La zia filava e poco ce sentiva,
e pe lu suonno la capa le pennea,
ma si ntrasatto essa maje se scemava
lu locco subbeto io me metteva a fa.

Ma chillo tempo come presto è passato.
Darria lo sango pe farelo tornà!
Tanno era alliero, e mo so sventurato.
Schitto d'arraggio, e chianto aggio a campà!
Raziella mia, Raziella me ingannava
mentre d'occhiate e squame m'abbottava.
Aje! disperato tanto me so arredutto
Che o moro acciso o m'aggio a vennecà.

 

Note