Palomma 'e notte

versi di Salvatore Di Giacomo
musica di Francesco Buongiovanni (1908)

Tiene mente sta palomma
comme ggira comm’avota
comme torna n’ata vota
sta ceroggena a tentà!
Palummè chist’è nu lume
nun è rosa o gesummino
e tu a fforza ccà vicino
te vuò mettere a vulà!
Vattene, ‘a lloco!
Vattene, pazzerella!

Va, palummella, e torna e torna
a st’aria accussì fresca e bella!
O bbì ca io pure
m’abbaglio chiano chiano,
e ca m’abbruscio ‘a mano
pe’ te nè vulè caccià.

Carulì pe’ nu capriccio
tu vuò fa scontento a n’ato,
e po’ quanno ll’è lassato
tu addò n’ato vuò vulà.
Troppe core staje stringenno
cu sti mmane piccerelle
ma finisce ca sti scelle
pure tu te può abbruscià!
Vattene, ‘a lloco!
Vattene, pazzerella!

Torna, va, palomma ‘e notte
dint’a ll’ombra addò sì nnata,
torna a staria mbarzamata
ca te sape cunzulà.
Dint’’o scuro, pe’ mme sulo
sta cannella arde e se struie
ma c’ardesse a tutt’e dduie
nun ‘o pozzo suppurtà!
Vattene, ‘a lloco!
Vattene, pazzerella!

Palomma 'e notte (Roberto Murolo)