NUTTATA 'E SENTIMENTO
versi di Alessandro Cassese
musica di Giuseppe Capolongo (1908)
Che notte! Che notte!
Che luna! Che mare!
Stasera me pare
Scetate 'e sunnà?...
Cu' st'aria serena,
ca scippa d'o core
suspire d'ammore,
durmì nun se po'!
Chiara è 'a luna,
doce è 'o viento,
calmo è 'o mare
oj Carulì!...
Sta nuttata 'e sentimento
nun è fatta per durmì.
Luntano, luntano,
p'o mare turchino
vulesse a te nzino
nu suonno sunnà!
Nu suonno 'e dulcezze,
nu suonno ncantato
cu ttico abbracciato
sunnanno, murì!
Chiara è 'a luna,
doce è 'o viento,
calmo è 'o mare
oj Carulì!...
Sta nuttata 'e sentimento
nun è fatta per durmì.
Luntano, luntano,
p'o mare turchino
vulesse a te nzino
nu suonno sunnà!
Nuttata 'e sentimento (Roberto Murolo)