Versi di Ernesto Del Preite
Musica di Pietro Labriola (circa 1860)
T'aggia fa na mmasciata Filume'
viene a ccà, viene a ccà,
mpietto nun me la pozzo cchiù tenè,
comme va, comme va.
Pecchè rossa te faje, mena mò
vuò sentì, vuò sentì,
ca mammeta strellare non te pò,
nun fuì, nun fuì.
Nu poco la mannella vuò pusà
mpietto a mme, mpietto a mme.
Stu core comme zompa accà e allà
vuò vedè, vuò vedè.
Me ne sto ghienno, nfuoco, lassame j
nu sciuscià, nu sciuscià!
Abbruciato pe tte voglio murì,
nu stutà, nu stutà!
Io sto mpazzenno e nun ne pozzo cchiù
siente a mme, siente a mme!
Stu core sta facenno tuppe ttù
Filume', Filume'!
Lo vide, da lo pietto vò scappà
tu llo vuò, tu llo vuò!
Cchiù senza 'e te nun pozzo arrepusà,
nun di no, nun di no!