Versi e musica di E.A.Mario (1913)

Maggio sì tu
ca st’aria doce
vaje prufumanno!
Quanta canzone faje cantà a ddoje voce!
Quanta suspire io manno!
Mme faje murmulià
tutt’ ’e ccanzone amate,
pecchè tu viene e dice: “ ‘E nnammurate
hann’ ’a cantà...”
Hann’ ‘a cantà
ca pure ‘Ammore passa e nun more!
E chi ha voluto bbene,
se sente dint’ ‘e vvene
chiù ardente ‘a giuventù:
Maggio, sì tu!

Maggio, sì tu
ca mme truvaste
cu ‘o core ‘e gelo;
ma quanta rose attuorno
mme purtaste e quanta stelle ‘ncielo!
Turnaje a suspirà
pe’ chi fuje tanto ngrata...
“ Ah – lle dicette –
t’aggio sempre amata
e pure mo...”
E pure mo
tutto è turnato comm’è passato.
Sento ca ‘a voglio bene;
‘ stu ffuoco ‘e dint’ ‘e vvene
è ffuoco ‘e giuventù:
Maggio sì tu!

Note

Maggio sì tu! (Roberto Murolo)