Lu primm'ammore
Versi di ignoto
Musica di Francesco Ruggi
Nennè, stavota sienteme,
no mme lassà speruto
apposta sò benuto pe' te potè parlà!
E t'aggia dì sto riepeto
nzegnato da stu core
è caro 'o primm'ammore
e no se po' scurdà!
Tengo sempe a memoria
quann'ero guagliunciello
da chieu fenestiello correvamo a parlà.
Facevamo a nasconnere
co tutt'i frate e sore.
E' caro 'o primm'ammore
e no se po' scurdà!
Co l'acqua, viento e tronole
so curzo tutt'nfuso,
e lo portone nchiuso hai fatto a me truvà.
Ma non me pote smovere
né friddo né calore:
è caro 'o primm'ammore
e no se po' scurdà!
Mm'aje fatto a notte sbattere
pe' sott''a lu barcone
ma co li cante e suone t'aggio fatto io scetà.
Mme n'aje portato nzuocolo
menannome no sciore
è caro 'o primm'ammore
e no se po' scurdà!
E non 'mme da cchiù tuosseco,
dimme ca mme vuò bene.
Levame da ste pene e non mme fa crepà.
Fenimmo mo sti lotane e ddì cu tutt''o core,
è caro 'o primm'ammore
e no se po' scurdà!
Lu primm'ammore (Roberto Murolo)