Lo zoccolaro
Di ignoti
Zoccolaro!
Ah! Chi vò lo zoccolaro?
Lo scarpino chi lo vò?
No carrì vanno a lo paro
ma chiù poco nce li do.
A chi bella vò parè!
Zoccolaro zuoccolè!
Zoccolaro!
Nce ne stanno piccerelle
Fatta acconce, mò nce vò!
A li piede aggraziatielle
Solamente nce li dò,
che chiù bell'anno a parè!
Zoccolaro zuoccolè!
Zoccolaro!
Quanta core innamorate
Li vorranna mmidià,
ca doje zuoccole apparate,
volarianno addeventà!
Se la pigliano co me!
Zoccolaro zuoccolè!
Zoccolaro!
Ogni chiuovo ch'aggio miso
me sò puosto a sospirà:
comm'è doce chillo piso
ca sto ligno portarrà!
Fortunato è chiò de me!
Zoccolaro zuoccolè!
Zoccolaro!
Si quarcuno fa l'ammore
s'accattasse chisti ccà,
ca non fanno maje rommore
e non scetano a mammà!
Guè pericolo non c'è!
Zoccolaro zuoccolè!