Di ignoti
L'autr'iere a Piedigrotta io me portaje
oje no canillo ch'era bello assaje:
tutte appresso le vanno
oh quant'è bello 'o Paparacianno
lo Paparacianno mio lo dongo a chi vogl'io.
Dinto a la Villa, a Chiaia, a Mergellina
me dice la modista e la damina:
è un cagnolin britanno…
oh quant'è bello 'o Paparacianno.
Io sto canillo addiventà vorria,
vicino a le cchiù belle me starria
quanto vale non sanno
oh quant'è bello 'o Paparacianno.
Quanno Lisa lo vede ì chiano chiano
co ll'uocchie fa me la vorria de mano.
Le venga no Malanno!
oh quant'è bello 'o Paparacianno.
Ma Nina ch'è cchiù furba e maleziosa
p'averlo me fa sempe la vezzosa,
non l'hanno, no non l'hanno
oh quant'è bello 'o Paparacianno.
Nc'è no sciore, na stella de lo cielo
che se nasconne ncasa o co lo velo…
Mo vene io non me inganno
oh quant'è bello 'o Paparacianno.
Lo Paparacianno (Roberto Murolo)