La rosa
Versi attribuiti a Marco d'Arienzo
Musica di Saverio Mercadante (1855)
Nennì, Nennì, vattene:
no sta cchiù a sosperà;
sta Rosa che pretienne
manco la può guardà.
Cercame tu no squaso,
lo squaso te lo do… Nennì…
purzì purzì no vaso…
ma chesta Rosa no, Nennì.
Vattene, vattene…
No sta cchiù a sosperà
Nennì Nennì, no…
No sta cchiù a sosperà.
Te pare no portiento
che accussì fresca sta!
Ma è stato ca lo viento
Manco addorata l'ha.
Cresciuta ess'è p'ammore
e ammore la po ddà, Nennì…
Quanno te do lo core
sta rosa toja sarrà, Nennì.
Vattenne, vattenne!
No sta cchiù a sosperà
Nennì Nennì, no…
No sta cchiù a sosperà.