I' te vurria vasà
Versi di Vincenzo Russo
Musica di Edoardo Di Capua (1900)
Ah! Che bell'aria fresca
ch'addore 'e malvarosa.
E tu durmenno staje
ncopp'a sti fronne 'e rosa.
'O sole a poco a poco
pe' stu ciardino sponta,
o viento passa e vasa
stu ricciulillo nfronte.
I' te vurria vasà…
I' te vurria vasà,
ma 'o core non m''o ddice
e' te scetà.
I' me vurria addurmì.
I' me vurria addurmì,
Vicino 'o sciato tuojo
N'ora pur'i'.
Sento stu core tujo
che sbatte comm'a ll'onne.
Durmenno, angelo mio,
chi sa tu a chi te suonne!
'A gelusia turmenta
stu core malato.
Te suonne a mme? Dimmello!
Oppure suonne a n'ato?
I' te vurria vasà…
I' te vurria vasà,
ma 'o core non m''o ddice
e' te scetà.
I' me vurria addurmì.
I' me vurria addurmì,
Vicino 'o sciato tuojo
N'ora pur'i'.