Dimme 'na vota sì
Versi attribuiti a Mariano Paolella
Musica di ignoti
Tu nce nnata co le rose mmano,
tu sì cresciuta ntra li giesummine,
pe' tte stongo malato e non me sano,
e tu, carella mia, non l'annevine?
Dimme na vota sì ca mme vuò bbene,
lo bide ca non pozzo proprio cchiù.
Quanno vedette a te stette a zompare
stu core ca mettiste ntra le ppenne.
Cheste roselle tiennatelle care
Una de cheste mme la daje a mme ne.
Dimme na vota sì ca mme vuò bbene,
lo bide ca non pozzo proprio cchiù.
Quanto che vonno prete a fa no ponte
tante sospire me tu si costata.
Ste ddoje stelle che tu tiene fronte
te fanno bella assale cchiù de na fata.
Dimme na vota sì ca mme vuò bbene,
lo bide ca non pozzo proprio cchiù.
Si nuje po nce sposammo oh, che contiente!
No lietto de ste rrose voglio fare.
Dammillo no vacillo pe' tramente,
no vaso sulo mme lo puoje dare.
Dimme na vota sì ca mme vuò bbene,
lo bide ca non pozzo proprio cchiù.