NINNA-NANNA

Pighianu' all'usciu,
So' li gendarmi fora
Cèrcanu a Bàbbitu,
Ma quist'è una trist'ura!
Bàbbitu è in campagna
Duvè lu farà dimora.

Fa la ninna, e fa la nanna
Figliulellu dilla mamma.

Tu pòli culàne
Cu me pe 'ssi culletti,
Ci so' le lepre
Le ronche e le mufrette.
Quassù c'è lepre e conigli,
Corri pur che tu li pigli.

Fa la ninna, e fa la nanna
Figliulellu dilla mamma.

So stat'all'ortu
Estamani di bon ora
Per coglie, o ciucciu,
U mazzolu di viola
O lu mio artu cipressu
A mi medicina sola.

Fa la ninna, e fa la nanna
Figliulellu dilla mamma.

(Chiatra di Verde)

LAMENTO

Partitu è lu mi Ghiuvanni
Alli diciott'anni finiti,
Mi sentu crepà lu cuore
Co tutti li so radici.
Quale che li passerà
Questi cinque anni felici?

Viaggià, lu miu suspiru,
Viaggià quantu lu ventu,
Vai truvà lu mi Ghiuvanni
E salutamilu tantu.

Ne surtianu li suspiri
Da l'una a l'altra accanti,
Se ne van a lu camminu
Duve l'eran abituati,
O lu miò calzetti rossi,
O lu miò scarpe lustràti!

Quandu ti t'entravi in iescia,
Da tutti eri fidighiatu,
Più ti fidighiavu eo
Che l'amore c'era intratu...

(Castello di Rostino)

SERENATA DEL FIUMORBO

Eo un ci cantu per mène
Che ci so statu mandatu,
Eo ci gantu per leseppu,
lè lu toio inamoratu.
Ma più un ci canteria
Se tu fusse la mia.

Son benutu da 'untanu,
Binti chilometri di camminu
Cu la miò chitarra a collu
Sempre a sono di biulinu,
Con chill'altri sonadori
Sol per fatti onore.

Una Dumenica di sera
Verso le quattro o cing'ore
Io ti scontrai sola
E ti dumandai l'amore.
Tu cu pochi di parole
Mi mettisti in dell'arrore.

Guarda bè ciò che tu fai
La mi 'mabile donzella,
Di ricusami l'amore,
Purtantu sì più zitella,
Sai bè che so di Rusio,
E falgu pe' Padulella.
A miò mazzetta fiorita
Co tutte le so ramelle,
Quale che lu piglierane
U premio fra le zitelle?
Dicenu sarà Maria
Che s'intende una di quelle...

Se' biato lu lettinu
Culla ta'ola di notte
Due tu ripose tune,
Fiori dille giò'anotte.
Maria la mia culumba,
Io ne pigliò la miò morte.

(Fiumorbo)

LAMENTO DEL BANDITO TRAMONI

O Dio sì grande, o tu Musa gentile,
Pregu in quest'oggi di venire a sentire,
Acciochè racconti al mondo quali son le mie martire:
L'annu novantaquattru principiò le mie rovini.

Eo so' Tramoni, banditu alla sventura,
Così zitellu, tengu tantu sciagura:
Li nimici e la colonna m'hannu fattu la scongiura,
E pe me tutti li giorni aperta è la sepultura.

O cara matre, piangi lu tu figliolu,
In questu mondu ribaldinatu e solu.
La proibitu a Sartene, e lu Vangone d'Ortolu
U rimirgu da luntanu, e mi pare un mondu novu.

O triste sorte, di me lu disgraziatu,
Quant'era megliu ch'iu nun fussi mai natu,
Senz'aver tiratu un colpu di tantu iu son imputatu.

O triste sorte, mi sentu strugge il core,
Ma quante volte scuntru li campagnoli,
Che cumincianu a cantare per calmà lu miu dolore
Ed iu cantu in compagnia, lamenti e versi d'amore!

Cusì cantandu mi par d'esser felice,
Senza timer giandarmi nè nimici,
Non mi credu più banditu, mi par di esse a Parigi.
Mi mettu una manu al pettu, e sentu lu cor che mi dice:
Perché non piangi li to' guai, o Vattista?
Mettiti in guardia cu lu to portavista,
Viderai tanti giandarmi cu la faccia cusì trista,
Lascia pur la campagna, la tu piazza non è quista!

Centu cartucce stannu nella giberna,
Pronti a far fuocu s'il core non mi trema,
Quellu che mi vol tumbà, tirghi pur di posta ferma.

Ma si la posta non è più che sicura,
E che davanti venga un'altra figura,
Gli vogliu rende lu colpu, per meritu di natura,
La mira la pigliu vene, ancu di notte alla luna.

O quanti amici ci trovanu a Caienna,
E son venduti senza ragion di vende!
Oghi portanu li verri, fannu fatiga tremenda,
E preganu la morte ogni ora che la venga,
Ormai eo prigionieru mai più mi vogliu rende!

(Zonza)

VOCERO

Apritemi 'ssu portellu
Che iè verso 'ssu pianu,
lunierà a nustra iente,
Babbu sarà in ansanu,
lunierà lanni Marì
Dalla parte più luntanu.

La mia ta'ola di a tola,
Lu miu bicchiere di vinu,
Per bramare u to voltu,
Eo m'affacciu a u cuscinu,
O lanni Marì, fratellu,
Lu fiore dillu sanguinu.

M'avè mandat'a chiere
Da Bastia li danari,
Li aghiu datu eo,
Da 'Isoni li cambiali,
Che tu ti fiss'onore
A mezza l'uffiziali.

La mia ta'ola di a tola,
Lu mio bicchier d'argentu,
Duè sarà a cappella
Che ti meteranu drentu?
O lanni Marì, fratellu,
Lu fior dillu regimentu!

(Ghisoni)

BALLATA

Tutte le mane di posta
Eo ne scendu allu paese,
Per me lettera nun accore,
Nun accore, e nun iunje,
Forse mi n'hai fattu un'altra?
Perchè è che nun mi scrivi?
Forse la manu ti trema,
Sciupatu lu calamaiu,
E truncatu lu porta penna?

Hai promessu di mandarmi
Una lettera fiorita
Invece mi hai mandatu
Una di neru ammantata:
E quantunque povaretta
Eo l'aghiu accettata.

Nun ci vogliu più falà
Nu a chiesa d'a Madonna,
Che nun vidu più mio caru
Arrumbatu alla colonna.

O lu mio pomu d'oru,
Vinutu dell'Ninghilterra,
Sopra lu vapore di Francia,
Lu bastimentu di guerra!

Mi uogliu vestì di neru
Come una sora pentita,
'Ogliu passà in conbentu
Li iorni della mi vita:
All'etai dei vent'un anni
A mi giovintù è finita.

(Chiatra di Verde)

VOCERO

Abbiamo fattu lu contu,
E tiratu lu pianu
Di purtà lu Ziu Pè
Allu principiu di veranu.

E l'avia da purtà
Lu to babbu pianu pianu,
E a causa l'aria pura
Avia d'andà luntanu.

E colà c'era lu latte,
C'era lu cacciu e lu vinu,
Un ci sarà mancatu
Manzu nè salvatigginu.

Averia postu le cappie
Francescu lu to cuginu.
T'averebbe fiuritu
Cume lu rosulu marino...

(Calenzana)

VOCERO PER IL BANDITO DUMENICU

O la piazza di li Bagni
È piena di Giandarmeria,
A che bìa lu Pernod,
Che bìa la granatina.
Ma a te lu mi Dumè,
Lu ti hannu datu prima!

O lu miu biancu e pulitu,
U mi manu dilicatu,
O lu miu pret'all'altare
Di scianza così sdiciatu!
Eo ringraziu u linghiagghiu
Ch'ellu che t'ha tratenutu,
Ch'un c'è statu una persona
Sia venuta a t'aiutu.

Eo piangu lu miu vecchiu,
Chellu di venti du' anni,
Che faccio la scemata
Nanzi tutt'i Bagni,
O Dumè, u miu Dumè,
O Dumè, li mi macagni!

Eo eru a più chiuga,
M'hannu mandatu alla scola
Pe' pigliane lu brevettu
Che n'aià da fà la prova,
Ma m'hai presu tune,
E m'hai fattu macchiaiola.

Quandu elle sentiranu
E me sorelle in Laghiola
Pigliaranu lu fucile,
U stilettu e la pistola
Dicendu: "Eccu soredda,
Ch'hai mandat'alla malora."

(Ghisoni)

VOCERO

Ballano indè Lichellu
(Eri di lu nustru sangue!):
Ballaremu anche nui
Quandu u so core langue!

Tinète pronte le salle,
Tinète pronti li panni,
Che bogliu balla anch'eo
Benché aghiu ottant'anni.

Tra me e te, o' Raziosa,
Eramu 'e furtunate
Ch'un aveamu perse
Dille nostre vigulate.

Avemu spettatu auà
D'avè maiò tumbate.

(Guagno)

VOCERO PER IL FIGLIO BANDITO

Ghiuntu è Paolu Francescu
E t'invita alli migliacci,
E tu, caru dilla mamma,
Fusti prontu pe' falàci.
Ghiuntu in fundu alli chiassi
T'avianu tesu li lacci.

Quandu n'intesi lu golpu
Corsi nantu lu scalone,
Tu cullavi pe' lu chiassu
Gridendu: "Cunfessione!"
Di mamma, o Carlu Dumè,
O lu mi spegne-fugone.

Eri sera u piuvanu
Lu mi cherse pe' piacè
Che tu un surtisse fora,
Di mamma, o Carlu Dumè,
Chè le balle e lu biombu
leranu pronti per te.
Averianu lu corragiu
Di vultà le spalle a me?

Arritu, o Carlu Dumè,
Ch'èmu di andà in Cerbione,
Cumprà una carabina
N'a butè'a dei Mannoni.
E pe' me mi porterai
Un vestitu senza fioroni.

Arritu, o Carlu Dumè,
Che lu nun è tempu di dorme,
Pe avè tumbat' a te,
Nun s'hannu cacciatu corne,
Che si troverannu sempre
Pret'e frate e so' donne.

A quale l'hai legato
A vigna di e Mezzane?
A gasa di li Perelli,
Tutta pinta in persiane?
O Carlu Dumè di mamma,
Che si serranu istamane.

Auà colla la cola
E colla a Cerbione
A mettità so candele,
Quarche artru torche e cironi,
Di mamma, o Carlu Dumè,
Le pagherannu in palloni.

La metà di lu casale
Eo la ci 'ogliu iocà
Pe polvere, per chertucci,
Pe fati bendicà.
Di mamma, o Carlu Dumè,
Bai pure, e nun ci pensà.'

Un vogliu più sente nunda,
Un vogliu più sente cunsigli,
Ma è che auà so becchia,
E mi trovu indi perigli.
O sorte, che stai a fà?
O Morte, che nun mi pigli?

(Chiatra di Verde)