Versi di Ferdinando Russo
Musica di Leopoldo Mugnone (1889)
E tiene 'a faccia 'e n'angelo d''o cielo
Santu Luca cu te nce s'è spassato…
'O sentimento nfaccia t'ha pittato,
ncore t'ha miso 'o scire d''a buntà.
Ah! Ah! Sempe sempe anema e core
L'ammore mio t'accumpagnarrà…
E tiene 'a voca 'e cerasella fresca,
e m''a sonno ogne notte e ce sperisco…
Te voglio tanto bene e nun capisco…
pecchè accussì te faie desiderà…