Voce 'e notte

Versi di Eduardo Nicolardi
Musica di Ernesto De Curtis (1905)

 

Si 'sta voce te sceta int''a nuttata,
mentre t'astrigne 'o sposo tuo vicino,
state scetata, si vuò sta scetata,
ma fa vedè ca dorme a suonno chino.

Nun gghi vicino 'e llastre pe ffa 'a spia,
pecchè nun può sbaglià: 'sta voce è 'a mia…
E 'a stessa voce 'e quanno tutt''e dduie
scurnuse, nce parlavamo c''o "vvuie".

Si 'sta voce te canta dint''o core
chello ch'io nun te cerco e nun te dico.
Tutt''o turmiento 'e 'nu luntano ammore,
tutto l'ammore 'e nu turmiento antico.

Si te siente 'na smania 'e vulè bene,
'na smania 'e vase correre p''e vene
'nu fuoco ca t'abbrucia comm'a cche,
vàsate a chilo… Che te 'mporta 'e me?

Si 'sta voce che chiane int''a nuttata,
te sceta 'o sposo, nun avè paura.
Dille ch'è senza nomme 'a serenata…
Dille ca dorme che se rassicura…

Diile accussì: "Chi canta 'int''a sta via
o sarrà pazzo o more 'e ggelusia…
Starà chiagnenno quacche 'nfamita…
Canta isso sulo… Ma che canta a ffa?"

 

Note