Versi di ignoto
Musica di Pietro Labriola (circa 1860)
Voca voca, tira nterra
che m'aspetta Nenna mia:
la funesta meza nzerra,
mo se mette a fa la spia,
mo se mette a fa la spia…
Gioia bella sì carella
quanno 'a sera aspiette a me;
pare proprio chella stella
ch'è la primma a cumparè.
Voca voca, ncas''a mano;
nun cunusce quali ppene
sente l'ommo che luntano
sta de chella che vò bbene.
Si non aje na Nenna ncore
ogne gioia a che te va?
Si non sente mpietto amore
che te serve lu campà?
Voca voca, cu che faccia
sta guardannome speruta!
Se ne trase, mo s'affaccia,
me cunusce, me saluta!!!
Ohe! Nennella mia carella
ti sì n'angelo pe' mme!
Tu sì proprio chella stella
ch'è la primma a cumparè!