TARANTELLUCCIA
versi di Ernesto Murolo
musica di Rodolfo Falvo (1907)
Na caserella
pittata rosa
'ncopp"e Camaldole
vurria tenè...
piccerenella
p' 'o sposo e 'a sposa
comm'a 'na connola
pe' mme e pe' tte...
Tuppetetuppete,
mme ritirasse...
Tu verbigrazia,
viene arapì...
Cu 'ammore è facile
tutt"o difficile;
si adda succedere
succedarrà...
Na luggetella
'nfucata 'e sole
cu' 'aruta e 'anepeta
piantata 'a te...
Sta faccia bella,
mmiez' 'e llenzole
spase pe' ll'asteco,
vurria vedè...
Vurria annasconnerme
quanno passasse...
pe' ffa, vasanotte...
cucù-settè...
Cu 'ammore è facile
tutt"o difficile;
si adda succedere
succedarrà...
'Na cunnulella...
ninno picciuso...
'nfaccia doj fravule,
gulie 'e mammà...
Gnora - vavella,
cu' n'uocchio 'o fuso,
canta, vucanello:
"Michelemma..."
Notte e silenzio...
Lietto sincero...
doi braccia stregnerme
vurria sentì...
Cu 'ammore è facile
tutt"o difficile;
si adda succedere
succedarrà...