Versi di Ernesto Murolo
Musica di Salvatore Gambardella (1904)
'Ncopp''o capo 'e Pusilleco addiruso
addò stu core se n'è gghiuto 'e casa,
ce sta nu pergulato d'uva rosa
e nu balcone cu 'e mellune appise.
'Ncopp''o capo 'e Pusilleco addiruso.
E nu canario canta na canzone
a int'ana gaiola appesa fore…
E ll'ellera s'attacca a stu barcone
cumme ce s'è attaccato chisto core!
Quann''o sole p''o monte se n'è sciso
chest'aria fresca se fa cchiù addirosa…
E torna d''a fatica Angelarosa
E' 'o fascio 'e ll'erba arreto 'e spalle appeso…
Quann''o sole p''o monte se n'è sciso!
Stàmmoce attiento a 'o segno convenuto.
Barcone apierto: Ce sta ancora 'o frate…
Perziana scesa: 'O frate se n'è asciuto,
e appuntamento è sotto 'o pergulato!…