Versi di Salvatore Di Giacomo
Musica di Mario Costa (1888)
Jettaje stu core mio mmiez'a la strada
e ncopp'a na muntagna mme ne jette
e, pe' na passione disperata
monaco 'e San Francisco me facette.
- Tuppe tuppe! - Chi è? Cca cce stesse uno
ca l'è caduto 'p core mmiezz'a via?
- Bella figliò, cca nun ce sta nisciuno
va jatevenne cu Gesù e Maria…
Se ne jette cantanno: Ammore ammore
cchiù nun te vò zì monaco vicino!
E p''a muntagna se purtaje stu core,
arruvugliato dint''o mantesino.