Versi di Gennaro Ottaviano
Musica di Salvatore Gambardella (1893)
Oie né, fa prieste, viene!
Nun me fa spanteci,
ca pure 'a rezza vene
ch''a mmare sto a menà.
Meh, stienne sti braccelle
aiutame a tirà,
ca stu marenarielle
te vo semp'abbraccià.
Vicin''o mare
facimmo ammore,
a core a core
pe nce spassà.
So marenare
e tiro 'a rezza;
ma p'allerezza
stong''a murì.
Oie nè, i' tira''a rezza
e tu statt''a guardà
li pisce p''a prezza
comme stann''a zumpà.
E vide, pur''e stelle
tu faie annammurà,
ca stu marenarielle
tu taie suspirà.
Vicin''o mare
facimmo ammore,
a core a core
pe nce spassà.
So marenare
e tiro 'a rezza;
ma p'allerezza
stong''a murì.