NU BARCONE
versi di Ernesto Murolo
musica di Vincenzo Valente (1906)
No barcone 'e campagnuolo
cu ll'ammenta e 'o petrosino,
na cammisa 'e tel' 'e lino spas' 'o sole...
Senza maneche... scullata;
cu 'e fettucce e c' 'o merletto,
cu 'na cifra rossa 'mpietto ricamata...
Va te pesa 'int" a sta casa
'sta cammisa chi l'ha spasa!...
Passa 'o figlio d"o duttore
c"o sicario e c"o bambù:
"Chi addimmanna nun fa errore..."
Tuppe, tuppe, tuppe, ttù.
Tracchete-tracchete... Oj ni' favurite,
Tengo a figliema Rosa malata...
site miedeco e l'ite sanà...
Tracchete-tracchete-tracchete-trà...
Nu barcone 'e campagnuolo
cu ll'ammenta e 'o petrusino,
na cammisa 'e tel' 'e lino spas' 'o sole...
'E mmugliere stanno lese...
"Chi sarrà 'sta furastiera?..."
Nu ciù-ciù matina e sera p"o paese...
Va te pesca 'int"a sta casa
'sta cammisa chi l'ha spasa!...
Ma 'o Nutaro è cacciatore...
pasa, spassa e nun po' cchiù:
"Chi addimmanna nun fa errore..."
Tuppe, tuppe, tuppe, ttù.
Tracchete-tracchete... Caro Nutaro...
Rosa, figliema, vo' 'fa scrittura,
nu quartino ce avimmo accattà.
Tracchete-tracchete-tracchete-trà...
E 'na chiorma 'e campagnuole
lass"a trafeca d"o vino
p"a cammisa 'e tel' 'e lino spas' 'o sole...
Chi alleccuto tene mente
chi sta muscio... chi sta allero;
ma ogneduno fa 'o penziero malamente.
Va te pesca 'int"a sta casa
'sta cammisa chi l'ha spasa!...
Po s'aunésceno 'o calore,
l'astinenza e 'a giuventù...
"Chi addimmanna nun fa errore..."
Tuppe, tuppe, tuppe, ttù.
Tracchete-tracchete... Grazie 'e l'onore:
Ma Rusina se sposa 'o Nutaro
e 'o Duttore 'o cumpare... lle fa...
Tracchete-tracchete-tracchete-trà...