Si tu, Nenna, m'amave n'aut'anno
Di ignoti
Si tu, Nenna, m'amave n'aut'anno
quanta cose avive da me.
Mo che saccio ca tutte te sanno
Statte bona e governate!
Le cauzette de lana de Spagna
Avea fatte venire pe tte.
Ma scoperta ch'aggio la magagna,
Statte bona e governate!
Chill'acciso e mpesillo d'ammore
Ogne ghiuorno me parla de te.
Ma tu tiene già fauzo lo core
Statte bona e governate!
La matina lo juorno la sera
Promettiste de stare co' mme.
Ma tu si na vota bannera
Statte bona e governate!