Capaldo - Gambardella (1906)
Quanno màmmeta t'ha fatta,
quanno màmmeta t'ha fatta…
Vuò sapé comme facette?
Vuò sapé comme facette?…
Pe' 'mpastà sti ccarne belle,
pe' 'mpastà sti ccarne belle…
Tutto chello ca mettette?
Tutto chello ca mettette?…
Ciento rose 'ncappucciate,
dint''a màrtula mmescate…
Latte, rose, rose e latte,
te faccette 'ncopp''o fatto!…
Nun c'è bisogno 'a zingara
P'andivinà, Cuncè'…
Comme t'ha fatto màmmeta,
'o saccio meglio 'e te!…
E pe' fa 'sta vocca bella,
e pe' fa 'sta vocca bella…
Nun servette 'a stessa dose,
nun servette 'a stessa dose…
Vuò sapé che nce mettette?
Vuò sapé che nce mettette?…
mo te dico tuttecosa…
mo te dico tuttecosa:
nu panaro chino, chino,
tutt''e fravule 'e ciardino…
Mèle, zuccaio e cannella:
te 'mpastaje 'sta vocca bella…
Nun c'è bisogno 'a zingara
P'andivinà, Cuncè'…
Comme t'ha fatto màmmeta,
'o saccio meglio 'e te!…
E pe' fa sti ttrezze d'oro,
e pe' fa sti ttrezze d'oro…
Mamma toja s'appezzentette,
mamma toja s'appezzentette…
Bella mia, tu qua' muneta!?
bella mia, tu qua' muneta!?
Vuò sapé che nce servette?
vuò sapé che nce servette?…
Na miniera sana sana,
tutta fatta a filigrana,
nce vulette pe' sti ttrezze,
che, a vasà, nun ce sta prezzo!
Nun c'è bisogno 'a zingara
P'andivinà, Cuncè'…
Comme t'ha fatto màmmeta,
'o saccio meglio 'e te!…
Comme facette mammeta? (Bruno Venturini)