Lo tiramole
Di ignoti
Songo n'ommo d'alta sfera,
trallarillirera, trallarillirera,
sò dottore de valore,
trallarillirera, trallarillirà.
Diciarraje, si tu me siente,
che grand'ommo è chisto ccà:
sto a lu Muolo e tiro diente,
trallarillirera, trallarillirà.
Tengo l'arte e la manera,
trallarillirera, trallarillirera,
songo strutto, saccio tutto,
trallarillirera, trallarillirà.
Chist'anguento ve consola,
ogne male fa passà,
ve fa crescere la mola,
trallarillirera, trallarillirà.
Medicina antica e vera,
trallarillirera, trallarillirera,
chi lo vede non lo crede,
trallarillirera, trallarillirà.
Cinco solde… ma ch'è stato?
Pecchè ognuno se ne va?
Guè lo prezzo ha spaventato,
trallarillirera, trallarillirà.