DICITENCELLO VUJE
versi di Enzo Fusco
musica di Rodolfo Falvo (1930)
Dicitencello a 'sta cumpagna vosta
ch'aggio perduto 'o suonno e 'a fantasia,
c"a penzo sempe,
ch'è tutt"a vita mia...
I"nce 'o vulesse dicere,
ma nun 'nce 'o saccio dì!
'A voglio bbene,
'a voglio bbene assaie,
dicitencello vuie
ca nun m"a scordo maie.
È 'na passiona
cchiù forte 'e 'na catena
ca me turmenta ll'anema
e nun me fa campà!
Dicitencello ch'è 'na rosa 'e maggio,
ch'è assaje cchiù bella 'e 'na jurnata 'e sole.
D"a vocca soja,
cchiù fresca d"e vviole
I' già vulesse sentere
ch'è nnammurata 'e me!
'A voglio bbene,
'a voglio bbene assaie,
dicitencello vuie
ca non m"a scordo maie.
È 'na passiona
cchiù forte 'e 'na catena
ca me turmenta ll'anema
e nun me fa campà!
Na lacrema lucente v'è caduta
diciteme nu poco a che penzate?
Cu' st'uocchie doce
vuie sole me guardate...
Levammece 'sta maschera,
dicimmo 'a verità:
Te voglio bbene,
te voglio bbene assaie
sì ttu chesta catena
ca nun se spezza maie!
Suonno gentile,
suspiro mio carnale
te cerco comm'a ll'aria
te voglio pe' campà!
Note