Versi di Libero Bovio
Musica di Evemero Nardella (1923)
Tu stai malata, e cante,
tu stai murenno e cante...
So' nove juorne, nove,
ca chiove... chiove... chiove
E se
fa fredda ll'aria,
e se fa cupo 'o cielo,
e tu dint''a 'stu ggelo,
tu sola cante e muore...
Chi sì? Tu si''a canaria.
Chi sì? Tu si'l'Ammore
ca pure quanno more
canta canzone nove...
...Ggiesù ma comme chiove!
Tu, comme a 'na Madonna
cante 'na ninna nonna
pe' 'n'angiulillo 'ncroce
ca vò sentì sta voce...
Sta voce sulitaria
ca dint''a notte canta...
E tu, comm''a 'na santa,
tu sola sola muore...
Chi sì? Tu si''a canaria
Chi sì? Tu si'l'Ammore
ca pure quanno more
canta canzone nove...
Ggiesù, ma comme chiove!
