Versi di Ferdinando Russo
Musica di Mario Costa (1887)
Gioia bella,
te l'aggia dì
ca dimane
s'ha 'dda partì!
Statte bona, può sta sicura
c''a medaglia voglio turnà!
A stu core tiénece cura,
si nun torno nun 'o iettà!
Napule e Nenne belle,
addio v'avimm''a dì…
Sentite 'a retirata?
Ce n'avimmo da trasì!
Gioia bella,
pe' te vedè
c'aggio fatto
nun può sapè!
Si putesse parlà stu core,
quanta cose vulesse dì;
ma, chiagnenno pe' lu dulore,
io m''o scippo pe' n''o sentì!
Napule e Nenne belle,
addio v'avimm''a dì…
Sentite 'a retirata?
Ce n'avimmo da trasì!