Versi e musica di ignoti
A primmavera, belle allecre
fujeno ll'ore:
mo sciure e palummelle
tornano a aa ll'ammore;
so belle lli campagne,
ma volarria sapè:
pecché suspira e chiagne,
sto core mio, pecché?
Coglite vuje, figliole,
roselle a primmavera.
La luce de lo sole,
a me non dice: spera.
Viole e giesummine
coglite vuje, nennè
io coglio sulo spine,
sciore non c'è pe' mme.
La luna co lo raggio
mo tutto fa d'argiento
e tornarrà lo maggio,
e tornarrà lo viento,
ogne staggione vene,
ogn'anno se ne va:
chi me voleva bene,
suolo non po' turnà!