Amice, non credite a le zitelle
Versi di Francesco Cerlone
Musica di Giovanni Paisiello (1700)
Amice, non credite a le zitelle,
Quanno ve fanno squame e le verrizze,
Ca songo tutte quante trottatele
E pe ve scorterà fanno fenizze.
Co lo bello e bello pallò,
Co lo nda e ndandera ndà;
La falanca si nn'è seduta.
Nun cammina, carcioffolà.
Cheste non banno ascianno parollelle,
Né grazia, né bertude, né bellizzi;
Ma vanno ascianno de levà la pelle
Quanno ve fanno 'a pompa li carizzi.
Co lo bello e bello pallò,
Co lo nda e ndandera ndà;
La campana senza battaglio
Comme diavolo vo' sonà!